Samarqand viloyatida qiz maktab o‘quvchilariga musht tushirdi
Bezorilik uchun qizga nisbatan jinoiy ish qo‘zg‘atildi.
Samarqand viloyatida 18 yoshli qiz 11-sinf o‘quvchilariga hujum qilib, mushtlashgan. Holat yuzasidan IIB izoh berdi.
Ma’lumotlarga ko‘ra, voqea 2025-yil 29-aprel kuni Pastdarg‘om tumani Qo‘shquduq mahallasi 83-umumiy o‘rta ta’lim maktabi hududida sodir bo‘lgan.
18 yoshli qiz jamiyatda o‘zini tutish qoidalariga rioya qilmasdan, ushbu maktabning 11-sinf o‘quvchilariga tan jarohati yetkazgan. Holat yuzasidan huquq-tartibot idoralari tomonidan qizga nisbatan Jinoyat kodeksining 277-moddasi 3-qismi (bezorilik) bilan jinoyat ishi qo‘zg‘atilgan. Hozirda tergov harakatlari olib borilmoqda.
Avvalroq Samarqandda maktab o‘quvchilari ommaviy mushtlashuv uyushtirgani haqida xabar berilgandi. Qizlar mojaroni boshqacha hal qila olmagan.
Izohlar