Toshkent metropoliteni profilaktika uchun qisman yopiladi
Ishlar uch oy davom etadi.
Toshkent metropolitenining bir nechta bekatlari profilaktika ishlari uchun uch oyga yopiladi, deya xabar berdi “Toshkent metropoliteni” axborot xizmati.
Ma’lumotlarga ko‘ra, mutaxassislar “Texnopark” — “Qipchoq” yer usti halqa liniyasida rejali bosqichma-bosqich profilaktika ishlarini olib borishni rejalashtirmoqda. Ular 2025-yil 8-iyundan boshlanadi, shu sababli “Turon” — “Qipchoq” bekatlari oralig‘idagi uchastkada poyezdlar harakati vaqtincha to‘xtatiladi.
Ushbu davrda yo‘lovchilarning qulay harakatlanishini ta’minlash maqsadida “Toshkent metropoliteni” tomonidan “Qipchoq” — “Quruvchilar” — “Qipchoq” yo‘nalishida katta sig‘imli bepul avtobuslar harakati yo‘lga qo‘yilmoqda. Metrobuslar har kuni soat 05:00 dan 23:00 gacha harakatlanadi. Yo‘lovchilardan keltirilgan noqulayliklar uchun uzr so‘raldi.
Avvalroq Toshkent metropolitenining yangi yo‘nalishi qurilishi boshlanadigan sana ma’lum qilingandi. Loyihani 2026-yilgacha yakunlash rejalashtirilgan.
Izohlar