Farg‘ona viloyatida 36 yoshli erkak xotinini kimsasiz joyga olib borib, urib, tiriklayin yoqib yubordi, deb xabar bermoqda RTV telekanali.
Tergov ma’lumotlariga ko‘ra, erkak uzoq vaqt davomida rafiqasi bilan rashk tufayli janjallashib kelgan. Voqea sodir bo‘lgan kuni soat 12:00 atrofida er-xotin o‘rtasida yana janjal kelib chiqqan. Ayblanuvchi ayolni uydan kuch bilan olib chiqib, Matiz avtomobiliga itarib yuborgan, shundan so‘ng bir litr benzin sotib olib, mashinaga joylashtirgan.
U xotinini kimsasiz joyga olib chiqib, o‘z joniga qasd qilish niyati borligini aytib, onasi uchun video yozib berishini talab qila boshlagan. Rad javobini olgach, erkak jabrlanuvchini ayovsiz kaltaklagan, o‘zi esa o‘tkir jism bilan jarohatlangan.
U ayolga benzin sepib, yoqib yubordi. Jabrlanuvchi yonidan oqib o‘tayotgan daryoga o‘zini tashlab, qochishga uringan. Ayolni shu atrofda ishlayotgan dehqonlar ko‘rib qolishdi. Ular uni suvdan chiqarib, yordam chaqirishdi.
Jabrlanuvchi og‘ir ahvolda shifoxonaga yetkazilgan. Shifokorlarning sa’y-harakatlariga qaramay, bir necha kundan so‘ng u olgan jarohatlari tufayli vafot etdi. Sud erkakni Jinoyat kodeksining 97-moddasi 2-qismi “j” bandi (O‘ta shafqatsizlik bilan qasddan odam o‘ldirish) bilan aybdor deb topib, 15 yilga ozodlikdan mahrum qildi.
Eslatib o‘tamiz, Farg‘onada erkak xotini va ikki nafar yosh bolasini o‘ldirgandi. Holat yuzasidan fuqaroga nisbatan jinoyat ishi qo‘zg‘atilib, tergov harakatlari boshlangan.
