Donald Tramp uchinchi jahon urushi boshlanishi xavfi borligini aytib, bu Ukraina atrofidagi vaziyat bilan bog‘liq bo‘lishi mumkinligini ta’kidladi, deb yozadi RIA Novosti Oq uy rahbariga tayanib.
AQSH yetakchisi bu boradagi bunday “o‘yinlar” global mojaroga olib kelishi mumkinligidan ogohlantirdi. Shu bilan birga, Oq uy rahbari mamlakat unda to‘g‘ridan-to‘g‘ri ishtirok etmasligini va faqat muzokaralar jarayonida vositachilik qilish bilan cheklanishini ta’kidladi.
Avval ham aytganman: agar hamma shunday o‘yin o‘ynashda davom etsa, bu uchinchi jahon urushi bilan tugaydi. Biz bunday bo‘lishini xohlamaymiz, — dedi AQSH prezidenti.
Shu bilan birga, prezident Ukraina va Yevropa davlatlari Vashingtonni vaziyatni tartibga solishga faolroq jalb qilishdan manfaatdor ekanini ta’kidladi. Mamlakat yetakchisining so‘zlariga ko‘ra, AQSH NATO davlatlariga qurol-yarog‘ yetkazib beradi, ular esa keyinchalik Ukrainaga yuboriladi. Shuningdek, mamlakat yetakchisi ilgari Rossiya va Ukraina o‘rtasida kelishuvga erishish ehtimoli yuqori deb hisoblaganini, ammo hududiy masalalar bo‘yicha kelishmovchiliklar bu yo‘lda jiddiy to‘siq bo‘lganini aytdi.
Donald Tramp ushbu muzokaralarni “1000 ga ko‘paytirilgan murakkab ko‘chmas mulk bitimi” deb ta’rifladi, shuningdek, taklif qilingan tinchlik rejasidan bandlardan biri chiqarib tashlanganini ma’lum qildi. Prezidentning so‘zlariga ko‘ra, kelishuv konsepsiyasi Ukraina prezidenti Vladimir Zelenskiy va Ukraina xalqiga ma’qul kelgan.
Avvalroq AQSH Oq uy yaqinida afg‘onistonlik harbiylarga hujum qilganidan keyin noqonuniy odamlarni deportatsiya qilishni kuchaytirishi haqida xabar berilgandi. Donald Trampning aytishicha, rasmiylar Bayden davrida AQShga kelgan barcha Afg‘oniston fuqarolarini tekshiradi.
