Farmatsevtika mahsulotlari xavfsizligi markazi direktori Alisher Temirovning aytishicha, elektron retsept yozish tizimi soxta dori vositalarining sotilishining oldini oladi, nojo‘ya ta’sirlar yuzaga kelgan taqdirda esa tekshirish imkoniyati yaratiladi.
2022-yildan boshlab qadoqlarda maxsus raqamli markirovkalash joriy etildi, O‘zbekistonga olib kirilayotgan barcha dori vositalarining bojxona organlaridan boshlab har bir qadog‘iga yoki mahalliy ishlab chiqarilgan barcha dori vositalariga maxsus raqamli identifikatsiya raqami qo‘yiladi.
Tizim Soliq qo‘mitasi tomonidan butun savdo yo‘nalishi bo‘ylab, ya’ni ishlab chiqaruvchidan ulgurji sotuvchigacha, keyin esa dorixonagacha nazorat qilinadi va mas’ul organlar bu ma’lumotlarni onlayn ko‘rishlari mumkin.
Qaysi dori qaysi dorixonada yoki qaysi ishlab chiqaruvchining omborida ekanligini ko‘rish mumkin, — dedi Alisher Temirov.
Elektron retsept yozish tizimi yo‘lga qo‘yilishi natijasida dori qaysi bemorga yetib borgani, agar o‘sha dorining nojo‘ya ta’siri kuzatilgan bo‘lsa, mas’ul idoralar buni tekshirib, sabablarini aniqlashi mumkin bo‘ladi.
Ammo qalbaki dorilar bilan bog‘liq holatda, bu dori endi buyurilmaydi, tarqatilmaydi, ya’ni bu doriga ehtiyoj, talab va xarid bo‘lmaydi, — deya xulosa qildi mutaxassis.
