Qashqadaryoda ayol qarindoshlari bilan erining o‘ynashini kaltakladi — video
Holat yuzasidan jinoyat ishi qo‘zg‘atilib, tergov harakatlari boshlangan.
Qashqadaryoda 24-iyul kuni ayol qarindoshlari bilan turmush o‘rtog‘ining o‘ynashini kaltakladi, deb xabar bermoqda viloyat IIB matbuot xizmati.
Voqea soat 22:30 larda Chiroqchi tumanida sodir bo‘lgan. Fuqaro yordam so‘rab huquq-tartibot idoralariga murojaat qilgan, chunki uning o‘ynashi onasining uyiga kelib, janjal ko‘targan. Voqea joyiga profilaktika inspektori yetib borib, janjalni bartaraf etish maqsadida ayolni tuman IIB binosiga olib borgan.
Biroq u bilan rasmiy nikohda bo‘lgan erkakning turmush o‘rtog‘i qarindoshlari bilan binoga kelib, ayolni kaltaklagan va kiyimlarini yulib olgan. IIB tomonidan tan jarohatlarining og‘irlik darajasini aniqlash maqsadida sud-tibbiy ekspertizasi tayinlangan. Holat yuzasidan Jinoyat kodeksining 277-moddasi 1-qismi bilan jinoyat ishi qo‘zg‘atilgan. Tergov harakatlari olib borilmoqda.
Eslatib o‘tamiz, O‘zbekistonda bolalarni ayovsiz kaltaklagan noqonuniy diniy maktablar aniqlangandi. Shu bilan birga, ota-onalar ko‘karishlar va jarohatlarga qaramay, o‘qish uchun to‘lovni amalga oshirgan.
Izohlar