Bolalarning ommaviy zaharlanishi Toshkent viloyatining yana bir tumaniga ta’sir qildi
Holat yuzasidan jinoyat ishi qo‘zg‘atilgan.
Bolalarning ommaviy zaharlanishi Toshkent viloyatining yana bir tumaniga ta’sir qildi, hodisa yuzasidan jinoyat ishi qo‘zg‘atildi, deb xabar bermoqda Bolalar ombudsmani matbuot xizmati.
Ma’lum bo‘lishicha, 24-sentyabr kuni nafaqat Piskent va Bo‘ka tumanlaridagi davlat maktabgacha ta’lim muassasalari tarbiyalanuvchilari ovqatdan zaharlanish bilan shifokorlarga murojaat qilgan. Voqea Quyi Chirchiq tumaniga ham ta’sir qildi. Bolalar tana haroratining ko‘tarilishi, ko‘ngil aynishi va ich ketishidan shikoyat qilishgan.
Mazkur holat yuzasidan 25-sentyabr kuni viloyat IIB huzuridagi tergov bo‘limi tomonidan Jinoyat kodeksining 257-1-moddasi 1-qismi (Sanitariyaga oid qonun hujjatlarini yoki epidemiyaga qarshi kurash qoidalarini buzish) bilan jinoyat ishi qo‘zg‘atilgan. Dastlabki tergov harakatlari olib borilmoqda. Aybdorlar 10 yilgacha ozodlikdan mahrum etilishi mumkin. Bolalar ombudsmani vaziyatni kuzatishda davom etadi.
Eslatib o‘tamiz, Toshkent viloyatida bir vaqtning o‘zida bir nechta bog‘chada bolalarning ommaviy zaharlanishi sodir bo‘lgandi. SSBB tergov boshlanganini ma’lum qildi. Mutaxassislar maktabgacha ta’lim muassasalariga yetkazib berilgan barcha oziq-ovqat mahsulotlaridan namunalar olishdi. Zaharlanish Oqqo‘rg‘on tumanida ishlab chiqarilgan sifatsiz 3,2% yog‘li kefir tufayli yuzaga kelgan bo‘lishi mumkin.
Izohlar