Olimpiada chempioni Lazizbek Mullojonov doping testidan o‘ta olmadi
Sportchi vaqtincha musobaqalardan chetlashtirildi.
Xalqaro antidoping agentligining matbuot xizmati xabar berishicha, o‘zbekistonlik sportchi Lazizbek Mullojonovning tanasida doping moddasi borligi aniqlandi.
Ma’lumotlarga ko‘ra, mutaxassislar 2025-yil 11-iyun kuni bokschidan musobaqadan tashqari doping nazorati paytida olingan namunada metasteron metabolitlarini aniqlagan. Bu moddalarning ikkalasi ham steroidlardir. Shu bilan birga, metasteron WADA taqiqlangan moddalar ro‘yxatiga kiritilgan bo‘lib, musobaqa va musobaqadan tashqari davrda doimiy taqiqlangan modda hisoblanadi va maxsus maqomga ega emas.
Qayd etilishicha, sportchi ushbu holat haqida xabardor qilingan, u B namuna tahlilini so‘rashga haqli. Agar sportchi B namuna tahlilini so‘rasa va A namuna natijasi tasdiqlansa, ish dopingga qarshi qoidalarning tasdiqlangan buzilishi deb hisoblanadi. Agar sportchi B namunasini so‘ramasa, ish ham dopingga qarshi tasdiqlangan qoidabuzarlik toifasiga o‘tadi. Shuningdek, sportchiga natijani sharhlash imkoniyati beriladi.
Hozirgi vaqtda sportchi qoidalarga muvofiq chetlatilgan, biroq u vaqtinchalik chetlatish to‘g‘risidagi qaror ustidan shikoyat qilishi va uni olib tashlashni so‘rashi mumkin. Shu bilan birga, World Boxing o‘zining dopingga qarshi dasturini ITA’ga topshirgani sababli, ushbu ish bo‘yicha barcha tekshiruvlar u yerda o‘tkaziladi.
Avvalroq 2026-yilda Las-Vegasda tarixdagi ilk “Steroid o‘yinlari” bo‘lib o‘tishi haqida xabar berilgandi. Ishtirokchilar doping qo‘llash bo‘yicha jahon rekordlarini yangilash imkoniyatiga ega bo‘ladi.
Izohlar