O‘zbekistonlik sportchilar dzyudo bo‘yicha umumjamoa hisobida birinchi o‘rinni egalladi
Milliy terma jamoa musobaqa mezbonlarini ortda qoldirishga muvaffaq bo‘ldi va 29 ta medalni qo‘lga kiritdi.
O‘zbekiston terma jamoasi dzyudo bo‘yicha kadetlar o‘rtasidagi Osiyo kubogida umumjamoa hisobida birinchi o‘rinni qo‘lga kiritdi, deb xabar bermoqda MOQ axborot xizmati.
Ma’lumotlarga ko‘ra, Olmaota shahrida bo‘lib o‘tgan musobaqada 9 ta davlat va 3 ta qit’adan 500 nafarga yaqin sportchi ishtirok etgan. Ikki kun davomida dzyudochilar 16 ta vazn toifasida bahs olib borishdi. O‘zbekistonlik sportchilar 29 ta medalni qo‘lga kiritishga muvaffaq bo‘lishdi, ulardan 8 tasi oltin, 10 tasi kumush va 11 tasi bronza.
Shu tariqa, terma jamoa umumjamoa hisobida birinchi o‘rinni egallashga muvaffaq bo‘ldi. Ikkinchi o‘rinni Qozog‘iston jamoasi egalladi. Turnir mezbonlari 5 ta oltin, 4 ta kumush va 12 ta bronza medalini qo‘lga kiritdi. Kuchli uchlikni Mo‘g‘uliston terma jamoasi yakunladi — sportchilar 2 ta oltin medalni qo‘lga kiritdi.
Avvalroq Toshkentda dzyudo bo‘yicha “Katta dubulg‘a” turkumiga kiruvchi turnir boshlangani haqida xabar berilgandi. Musobaqaning birinchi kunida o‘zbekistonlik sportchilar beshta medalni qo‘lga kiritdi.
Izohlar