Muhayyo Rahimjonova sport kurashlari bo‘yicha jahon chempionatida kumush medalni qo‘lga kiritdi
Sportchi finalgacha yetib borishga muvaffaq bo‘ldi va faqat hal qiluvchi bahsda Hindiston vakiliga imkoniyatni boy berdi.
O‘zbekistonlik sportchi Muhayyo Rahimjonova sport kurashlari bo‘yicha U-17 jahon chempionatida kumush medalni qo‘lga kiritishga muvaffaq bo‘ldi, deb xabar beradi MOQ matbuot xizmati.
Ma’lumotlarga ko‘ra, tadbir Gretsiyada bo‘lib o‘tmoqda. -65 kg vazn toifasida ishtirok etayotgan O‘zbekiston terma jamoasi vakilasi finalgacha yetib borishga muvaffaq bo‘ldi va faqat hal qiluvchi bahsda Hindiston vakilasiga imkoniyatni boy berdi.
Natijada Muhayyo Rahimjonova U-17 Jahon chempionatining kumush medali sovrindori bo‘lishga muvaffaq bo‘ldi. Ayni paytda musobaqalar davom etmoqda.
Avvalroq o‘zbekistonlik sportchilar kurash bo‘yicha Gretsiyada bo‘lib o‘tgan jahon chempionatini muvaffaqiyatli yakunlagani haqida xabar berilgandi. Terma jamoa 4 ta oltin medal bilan vatanga qaytadi.
Izohlar