Toshkentda yana bir nechta metro bekatlari yopiladi
Yo‘lovchilarga qulaylik yaratish maqsadida bekatlar o‘rtasida metrobuslarning bepul qatnovi tashkil etilmoqda.
Toshkentda 2-avgustdan Texnopark va Yangiobod bekatlari orasidagi poyezdlar harakati rejalashtirilgan ta’mirlash ishlari vaqtida to‘xtatiladi, deb xabar bermoqda metropoliten axborot xizmati.
Vazirlik ma’lumotlariga ko‘ra, poyezdlar va yo‘lovchilar harakati xavfsizligini ta’minlash, shuningdek, xizmat ko‘rsatish sifatini yaxshilash uchun yangi metro uchastkalarida ma’lum muddat ishlagandan so‘ng profilaktika ishlari olib borilishi kerak. Yo‘lovchilarga qulaylik yaratish maqsadida “Texnopark—Qipchoq—Texnopark” metro bekatlari o‘rtasida bepul metro avtobuslari harakati yo‘lga qo‘yiladi. Ularning ish vaqti ertalab soat 05:00 dan kechqurun 23:00 gacha.
Eslatib o‘tamiz, Toshkent metropolitenining yana bir yangi yo‘nalishi taqdim etilgandi. Bu orqali 21 kilometrlik masofani 24 daqiqada bosib o‘tish mumkin bo‘ladi. 9 ta bekat qurilishi ko‘zda tutilgan bo‘lib, yo‘llarning bir qismi sharqiy aeroport yaqinidan o‘tadi, keskin burilishdan so‘ng 4 ta bekat Yangi Toshkentning qoq markazida joylashadi.
Izohlar