SSV sog‘liqni saqlash sifatini yaxshilash bo‘yicha hisobot berdi
15 ta tuman va shaharda oilaviy poliklinikalar birinchi va ikkinchi turdagi muassasalarga aylantirilmoqda.
O‘zbekistonda pilot loyiha doirasida oilaviy poliklinikalar birinchi va ikkinchi turdagi muassasalarga qayta tashkil etila boshlandi, deb xabar bermoqda Sog‘liqni saqlash vazirligining matbuot xizmati.
Ma’lumotlarga ko‘ra, ushbu muassasalarda ona va bola xonalari tashkil etilib, kirish qismida panduslar o‘rnatilgan va raqamlashtirish yo‘lga qo‘yilgan bo‘lib, mavjud barcha jarayonlarni elektron tarzda amalga oshirish imkoniyati yaratilgan. Bundan tashqari, ilgari faqat yirik markazlarda qabul qilgan ko‘plab tor mutaxassislar ishini yo‘lga qo‘yildi.
Raqamlashtirish doirasida hukumat, shuningdek, bemorlar va shifokorlar uchun zarur ma’lumotlarni to‘ldirishni osonlashtiradigan yangi DIMED tizimini ishga tushirdi. Shunday qilib, bemorlar ushbu ilovani telefonlariga o‘rnatishlari mumkin va u poliklinikaga rejalashtirilgan tashriflarni eslatib turadi.
Xorazm viloyati Shovot tumanidagi 3-sonli oilaviy poliklinika ana shunday qayta tashkil etilgan muassasalardan biri bo‘lib, unga ikkinchi tipdagi poliklinika maqomi berildi. 1 iyuldan boshlab 15 ta tuman va shaharda birinchi va ikkinchi turdagi shunday poliklinikalar tashkil etiladi.
Avvalroq Sog‘liqni saqlash vazirligi poliklinikalarda kafolatlangan yordam hajmi bepul bo‘lishini ma’lum qilgandi. Ba’zi hollarda qo‘shimcha xizmatlar uchun haq to‘lashga to‘g‘ri keladi.
Izohlar