O‘zbekistonda ekologiya, atrof-muhitni muhofaza qilish va o‘rmon xo‘jaligi sohasidagi qonunchilik ijrosini nazorat qiluvchi ekologiya politsiyasi paydo bo‘ladi, deyiladi prezident farmonida.
Mamlakatda Milliy qo‘mitaning Davlat ekologik nazorat inspeksiyasi paydo bo‘ladi. Ekopolissiya tarkibiga Qoraqalpog‘iston Respublikasi, viloyatlar va Toshkent shahrining ekologiya, atrof-muhitni muhofaza qilish va o‘rmon xo‘jaligi sohalarida qonunchilik ijrosi ustidan nazorat yo‘nalishida 40 ta shtat birligi kiritiladi. Shuningdek, u yerga Davlat ekologiya nazorati inspeksiyasi va hududiy maxsus prokuraturalar xodimlari kiradi.
Qayd etilishicha, ekologiya politsiyasi Ekologiya qo‘mitasining ekologik xavfsizlikni ta’minlash va ushbu yo‘nalishdagi huquqbuzarliklar profilaktikasi sohasida alohida huquqni muhofaza qilish vazifalari yuklatilgan maxsus bo‘linmasi bo‘ladi. Shuningdek, u tabiiy ekologik hududlar chegaralari doirasida ma’muriy-hududiy birliklar chegaralarini hisobga olmagan holda o‘z hududiy bo‘linmalarini tashkil etishi mumkin bo‘ladi.
Shuningdek, hujjat ekologiya politsiyasi xodimlariga jismoniy kuch ishlatish, elektroshok qurilmalari va rezina o‘qli yoki to‘rli xizmat qurollari kabi maxsus vositalarni qo‘llashga ruxsat beradi. Bundan tashqari, ularning maxsus formasiga bodi-kameralar o‘rnatiladi.
Bundan tashqari, 2026-yil 1-apreldan boshlab ekologiya sohasidagi qonun hujjatlarini buzganlik uchun yuridik shaxslarga nisbatan moliyaviy sanksiyalarni qo‘llashning yangi tartibi joriy etiladi. Xususan, endilikda jarima tarzidagi moliyaviy sanksiyalar faqat yuridik shaxslarga nisbatan qo‘llaniladi. Bunda yuridik shaxslarga nisbatan ular jarimaga tortilgan ayni bir huquqbuzarlik uchun ma’muriy jazo choralarini qo‘llash mumkin bo‘lmaydi.
Avvalroq O‘zbekistonda Ekologiya vazirligi tugatilib, uning negizida ikkita yangi tashkilot tashkil etilishi, ularning vazifalari kengaytirilishi haqida xabar berilgandi. Uning negizida Turizm qo‘mitasi hamda Ekologiya va iqlim o‘zgarishi milliy qo‘mitasi tashkil etiladi, xodimlar shtati saqlab qolinadi.
