HET xodimlari sayyor tekshiruvlarda bodi-kameralardan foydalana boshladi
Bu jarayonni nazorat qilish va uning bajarilishini kuzatish imkonini beradi, ma’lumotlarning yo‘qolishi yoki almashtirilishi xavfini bartaraf etadi.
Samarqandda HET inspektorlari barcha sayyor tekshiruvlar va iste’molchilar bilan muloqotni bodi-kameralarga yozib olishni boshladi, deb xabar bermoqda Energetika vazirligi matbuot xizmati.
Yangilik sohani raqamlashtirish va zamonaviy texnologiyalarni joriy etish yo‘lining bir qismi bo‘lib, bu ishda shaffoflikni oshirish va korrupsiya holatlarining oldini olish imkonini beradi. HET viloyat filialida hujjatlarni elektron rasmiylashtirish bo‘yicha E-dalolatnoma tizimi ishga tushirildi.
Yangi formatda ishlash uchun tuman va shahar korxonalari inspektorlariga 158 ta planshet tarqatildi. Hujjatlar joyida tuziladi va darhol raqamli bazaga kiritiladi. Bu har bir hujjatni nazorat qilish va uning bajarilishini kuzatish imkonini beradi, ma’lumotlarning yo‘qolishi yoki almashtirilishi xavfini bartaraf etadi.
Bundan tashqari, xodimlar ixtiyoriga 54 ta bodi-kamera kelib tushgan. Iste’molchilar bilan muloqot, muloqotlar, joylarda olib borilayotgan barcha o‘rganishlar endilikda ushbu kameralar orqali qayd etib boriladi.
Eslatib o‘tamiz, Toshkentda iste’molchilar “aqlli” elektr hisoblagichlarning noto‘g‘ri ishlashidan shikoyat qilgandi. HETdagilar vaziyatga oydinlik kiritib, nosozlik nimadan kelib chiqishi mumkinligini aytgan.
Izohlar