Bandlik organlari tomonidan yuborilgan fuqarolarni ishga qabul qilishni rad etganlik uchun ish beruvchilar jazolanmaydi

O‘zbekistonda bandlik organlari tomonidan bo‘sh ish o‘rinlariga yuborilgan fuqarolarni ishga qabul qilishni rad etganlik uchun ish beruvchilardan javobgarlik olib tashlanadi, deyiladi hukumat qarorida.

Ma’lumotlarga ko‘ra, chora 2025-yil 1-sentyabrdan kuchga kiradi. Shuningdek, ish beruvchilar bo‘sh ish o‘rinlari mavjudligi to‘g‘risidagi hisobotlarni majburiy taqdim etishdan ozod etiladi. Bu xodim va ish beruvchi o‘rtasida samarali, adolatli va o‘zaro manfaatli mehnat munosabatlari tizimini yaratishga yordam berishi rejalashtirilgan.

Xususan, 2025-yil 1-noyabrdan boshlab ish beruvchilar faqat quyidagi toifadagi fuqarolar uchun ish o‘rinlarining majburiy zaxirasini shakllantirishi shart:

• nogironligi bo‘lgan shaxslar;
• oiladagi (maishiy) zo‘ravonlikdan jabrlangan shaxslar;
• kambag‘al oilalar reyestriga kiritilgan oilalar a’zolari;
• joylashtirishning muqobil shakllarida tarbiyalangan yetimlar jumlasidan bo‘lgan shaxslar;
• ota-ona qaramog‘idan mahrum bo‘lgan shaxslar.

Bunda ushbu shart faqat xodimlar soni 100 nafardan ortiq bo‘lgan tashkilotlarga taalluqli bo‘ladi. Bundan tashqari, zaxiralash xodimlar umumiy sonining 3 foizidan oshmasligi kerak.

Mavzuga doir: “Qo‘lidan ushlab, ish beruvchiga olib boring”: Mirobod tumani hokimi ishsizlikka qarshi kurash haqida Tuman hokimi ishsizlik bandlik bo‘limi uchun uyat va birinchi raqamli dushman bo‘lishi kerakligini ta’kidlab, amaldorlarni rag‘batlantirish bo‘yicha yangi choralarni ma’lum qildi.