Ko‘p ishlash uchun to‘lov yangi usulda amalga oshiriladi
Mehnat kodeksiga tuzatishlar kiritildi.
O‘zbekistonda ish vaqtidan tashqari ishlarga ikki baravar miqdorda haq to‘lanadi, deyiladi hukumat qarorida.
Ma’lumotlarga ko‘ra, rasmiylar Mehnat kodeksiga qo‘shimchalar kiritib, yiliga 120 soatlik ish vaqtidan tashqari ishning maksimal davomiyligi to‘g‘risidagi normani chiqarib tashlagan. Shuningdek, hujjatda xodimga kunlik ish vaqtidan tashqari ishning dastlabki ikki soati uchun kamida bir yarim baravar miqdorida haq to‘lanishi belgilandi. Bunda ish vaqtidan tashqari ikki soatdan ortiq ishlaganlik uchun kamida ikki baravar miqdorda haq to‘lanishi kerak.
Ta’kidlash joizki, O‘zbekistonda majburiy va ixtiyoriy ijtimoiy sug‘urta paydo bo‘lishi mumkin. Senatorlar vaqtincha mehnatga layoqatsizlik va homiladorlik bo‘yicha to‘lovlar tartibini belgilovchi qonunni ma’qulladi. Hujjat bilan Davlat ijtimoiy sug‘urta jamg‘armasi tomonidan uch turdagi to‘lovlar, ya’ni kasallik tufayli vaqtincha mehnatga layoqatsizlik, homiladorlik va tug‘ish, ishdan yoki daromaddan mahrum bo‘lish bo‘yicha sug‘urta to‘lovlari amalga oshirilishi belgilandi.
Avvalroq O‘zbekistonda nafaqalar proaktiv tarzda to‘lab borilishi haqida xabar berilgandi. Hukumat 2026-yilda yangi tizimni joriy etishni rejalashtirmoqda.
Izohlar