Afg‘onistonda go‘zallik salonlari yopila boshlandi
Jangarilar binolarni tekshirib, agar ayollar go‘zallik salonlarini topsalar, qirg‘in uyushtirishgan.
Afg‘onistonning Kobul shahrida toliblar ayollar go‘zallik salonlarini ommaviy ravishda yopishni boshladi, deb yozadi Tolo News.
Ma’lumotlarga ko‘ra, yuzlab go‘zallik salonlari o‘z faoliyatini to‘xtatgan, ularning jihozlari yo‘q qilingan yoki musodara qilingan. Guvohlarning so‘zlariga ko‘ra, jangarilar binolarni tekshirgan va ayollar salonini topib, vayrongarchilik uyushtirgan.
Bu chora-tadbirlar xotin-qizlar bandligiga jiddiy zarba berdi. Poytaxtdagi bunday salonlarda 60 ming nafargacha shaharlik ayol ishlagan. Tahlilchilar sodir bo‘layotgan voqealarni toliblarning ayollarni mamlakat ijtimoiy va iqtisodiy hayotidan bosqichma-bosqich siqib chiqarish siyosatining bir qismi sifatida ko‘rmoqda.
Avvalroq Afg‘onistonda ayollarga erkak hamrohligisiz ishga borish taqiqlangandi. Ba’zi hollarda erkak kishidan kun bo‘yi ofisda shaxsan bo‘lish talab qilinadi.
Izohlar