2025-yil boshidan buyon O‘zbekistonda minglab noqonuniy chiqindi tashlash holatlari qayd etildi
Huquqbuzarliklar uchun jarimalarning umumiy miqdori 7,9 milliard so‘mni tashkil etdi.
2025-yilning birinchi yarmida O‘zbekistonda 5 mingdan ortiq noqonuniy chiqindilarni belgilanmagan joylarga tashlash holatlari qayd etildi.
Ma’lumotlarga ko‘ra, vazirlikning Situatsion markazi tomonidan o‘rnatilgan onlayn kuzatuv kameralari yordamida mutaxassislar tomonidan 5215 ta noqonuniy chiqindi tashlash holatlari qayd etilgan. Natijada huquqni muhofaza qiluvchi organlar tomonidan huquqbuzarlarga nisbatan 14 728 ta ma’muriy bayonnoma rasmiylashtirilgan.
Jarimalarning umumiy miqdori 7,9 mlrd so‘mni tashkil etib, shundan 3,3 mlrd so‘mi belgilangan tartibda undirib bo‘lingan. Shuningdek, mutaxassislar statistikani o‘rganib chiqib, eng ko‘p qoidabuzarlik Namangan viloyatida qayd etilganini ta’kidladilar — 1563 ta holat, keyingi o‘rinda 1443 ta holat qayd etilgan Andijon viloyati, uchinchi o‘rinda Farg‘ona viloyati — 1163 ta holat.
Vazirlik fuqarolarni qonunchilik talablariga qat’iy rioya qilish va atrof-muhitga mas’uliyat bilan munosabatda bo‘lishga chaqirib, chiqindilarni faqat maxsus ajratilgan joylarga tashlash kerakligini eslatdi.
Avvalroq O‘zbekistonda avtomobildan tashlangan chiqindilar uchun qattiqroq jazolashmoqchi ekani xabar qilingandi. Huquqbuzarlik takrorlansa, jarimalar miqdori oshiriladi.
Izohlar