Toshkentda Jetour haydovchisiga YHQni buzgani uchun 258 million so‘mlik 354 ta jarima solindi
Erkak avtomobilni kreditga olib, uni garovga qo‘ygan, biroq to‘lovlar bo‘yicha qarzlari tufayli mashina xatlangan, MIB xodimlari pullarni undirishga harakat qilmoqda.
Toshkentda Jetour haydovchisiga yo‘l harakati qoidalarini buzgani uchun 258 million so‘mlik 354 ta jarima belgilandi. Ayol davlatdan, shuningdek, avtomobil sotib olish uchun kredit olgan bankdan qarzdor bo‘lgan, deb xabar beradi MIB.
Organ ma’lumotlariga ko‘ra, qarzdor fuqaro N.Yu.ga nisbatan byuroga jami 328,7 mln so‘mlik 370 ta ijro hujjatlari ish yurituviga kelib tushgan. Shundan 354 tasi (258,7 mln so‘m) — YHQni buzganlik uchun ma’muriy jarimalar va 14 tasi (51,8 mln so‘m) — soliq qarzdorligi.
Ma’lum bo‘lishicha, u 2024-2025 yillarda Jetour avtomobilida 354 ta huquqbuzarlik sodir etib, jarimalarni to‘lamagan. Bundan tashqari, mashina kreditga sotib olingan va bankdan garov sifatida rasmiylashtirilgan, biroq qarzdorlik to‘lanmaganligi sababli garovga qo‘yilgan mol-mulk xatlangan.
Hozirda jami 328,7 mln so‘mlik qarzdorlikni undirish bo‘yicha zarur ijro harakatlari olib borilmoqda.
Izohlar