Jizzaxda erkak sobiq xotinining jahlini chiqarish uchun aliment pulini tangada to‘ladi
MB xodimlari qarzdorning o‘zi ishtirokida pulni hisoblab, ayolning bank kartasiga hisobiga o‘tkazib berishdi.
Jizzax viloyatida aliment toʻlash boʻyicha qarzdor boʻlgan ota barcha qarzini tangada toʻlashga qaror qildi, deb xabar qilmoqda BPI matbuot xizmati.
Voqea Sharof Rashidov tumanida sodir bo‘lgan. Sud qaroriga ko’ra, erkak har oy bolaga aliment to’lashi kerak edi, biroq ota uzoq vaqt davomida qarzlarga e’tibor bermadi. Keyin odamga qarz uchun javobgarligi eslatildi.
Ota 50, 100 va 500 so‘mlik tangalarda 4 million so‘m qarz yig‘ib, sobiq xotiniga “bir-ikki kunni maroqli sanab o‘tkazsin” deb bermoqchi bo‘lgan, biroq fikri amalga oshmagan. Qarzdorning ishtirokida BPI xodimlari barcha tangalarni sanab, bolaning onasining bank kartasiga o’tkazdi.
Eslatib o‘tamiz, Toshkentda ota aliment to‘lashdan uy devoriga yashiringan . Erkak 15 kun hibsga olingan, shundan so‘ng qarindoshlari uning qarzini to‘lagan.
Izohlar