Jabrlanuvchining kasalliklari jinoyat bilan bog‘liq emas — Bolalar ombudsmani Angrendagi qiz haqida
Surayyo Rahmonova aniqlangan barcha kasalliklar jinoyat oqibati emasligini aytdi.
Bolalar ombudsmani Angren shahridagi shifoxonada jabrlangan qizaloq holidan xabar olib, uning umumiy ahvoli bilan tanishdi.
Shuningdek, Ombudsman tomonidan tashxislar va tayinlangan muolajalar bilan bog‘liq tibbiy hujjatlar o‘rganildi. Jabrlanuvchi bilan suhbat o‘tkazildi. Ma’lum qilinishicha, shifokorlar qizdagi mavjud kasalliklarni davolash uchun barcha zarur tibbiy choralarni ko‘rmoqda.
Bemorga o‘tkir artrit, ikki tomonlama bronxopnevmoniya, oqsil-energetik yetishmovchilik, kamqonlikning og‘ir darajasi, sepsis tashxisi qo‘yilgan. Shu bilan birga, Ombudsman aniqlangan barcha kasalliklar surunkali ekani va jinoyat oqibati emasligini ma’lum qildi.
Biroq avvalroq faol Saodat Abduzakirova qizga nisbatan 2024-yil avgustdan oktyabrgacha zo‘ravonlik harakatlari sodir etilgani, shundan so‘ng agar u bu haqda kimgadir aytsa, tahdid qilingani haqida xabar bergandi. U 28 kg vazn bilan shifoxonaning jonlantirish bo‘limida yoriqlardan abssesslar boshlangani sababli pampersda bo‘lgan.
Faolning so‘zlariga ko‘ra, qizaloqqa ovqat berilmagan va jinsiy aloqa qilgani uchun ovqat va’da qilingan. Gumonlanuvchilardan biri voyaga yetmagan, ikkinchisi uning qarindoshi bo‘lishi mumkin. Erkaklarning ko‘rsatmasida aytilishicha, jabrlanuvchining o‘zi hamma narsaga rozi bo‘lgan.
Izohlar