Surxondaryoda qo‘shnilarini haqorat qilib, baqirgan mast erkak besh sutkaga qamaldi, deb xabar bermoqda Millar.
Voqea 18-may kuni soat 19:00 da Qumqo‘rg‘on tumani “Joziba” mahallasida sodir bo‘lgan. Mast erkak to‘ydan uyiga qaytayotganda qo‘shnilarini uchratib, ularni sababsiz haqorat qila boshlaydi. Shuningdek, u ko‘chada behayo so‘zlar aytib, jamoat tartibini buzgan.
“Men unday odam emasman. O‘sha kuni qattiq mast edim va nimadandir jahlim chiqib, baqirib haqorat qila boshladim. Qilgan ishimdan afsusdaman”, — dedi sudlanuvchi.
Sud ayblanuvchini 183-modda (Mayda bezorilik) bo‘yicha aybdor deb topdi. Erkakka 5 sutka qamoq jazosi tayinlangan.
Eslatib o‘tamiz, Toshkentda mast yo‘lovchi styuardessaga tegajog‘lik qilib, uch sutkaga qamalgandi. Erkak samolyot salonida chekishga qaror qilgan, bort kuzatuvchisi qoidabuzarga buni tushuntirganida, u ayolning ko‘kragidan ushlagan.
