O‘zbekiston milliy terma jamoasi FIFA reytingida yuqoriladi
Mamlakat terma jamoasi Markaziy Osiyo davlatlari orasida yetakchi bo‘lib qolmoqda.
O‘zbekiston milliy terma jamoasi FIFAning yangilangan reytingida bir pog‘ona yuqorilab, 54-o‘rinni egalladi.
Ma’lumotlarga ko‘ra, statistika 2025-yil iyul oyiga nisbatan shunday natijani ko‘rsatgan. Shu bilan birga, boshqa mamlakatlar bilan taqqoslaganda, O‘zbekiston terma jamoasi Markaziy Osiyoda eng kuchli hisoblanadi. Jahon miqyosida mamlakat terma jamoasi Afrika, Irlandiya va BAA terma jamoalarini ortda qoldirishga muvaffaq bo‘ldi.
Umuman olganda, Markaziy Osiyo mamlakatlari quyidagicha joylashdi:
- Tojikiston – 104-o‘rin;
- Qirg‘iziston – 106-o‘rin;
- Qozog‘iston – 118-o‘rin;
- Turkmaniston – 138-o‘rin.
Assotsiatsiya reytingi 210 ta terma jamoadan iborat bo‘lib, uning yetakchilari Ispaniya, Fransiya va Argentina bo‘ldi. Reytingni San-Marino jamoasi yakunlab beradi.
Avvalroq, O‘zbekiston klublariga futbolchilarning JCH-2026dagi ishtiroki uchun pul to‘lanishi haqida xabar berilgandi. FIFA jami moliyaviy bonuslar uchun 350 million dollardan ortiq mablag‘ ajratadi.
Izohlar