O‘zbekistonda ortiqcha to‘langan soliqlarni boshqa turdagi to‘lovlarga yo‘naltirish imkoniyati beriladi
Eski tartib bo‘yicha ortiqcha to‘lov faqat o‘sha soliq hisobiga to‘lanardi.
O‘zbekistonda fuqarolar ortiqcha to‘langan soliqlarni qaytarib olishlari yoki boshqa turdagi to‘lovlarga yo‘naltirishlari mumkin, deyiladi prezident qarorida.
Ma’lumotlarga ko‘ra, endilikda fuqaroga ortiqcha to‘langan yoki undan ortiqcha undirilgan soliq summasi, agar uning qarzdorligi bo‘lmasa, qaytarib berilishi yoki ushbu pullar o‘sha turdagi yoki boshqa turdagi soliqlar bo‘yicha kelgusi to‘lovlar hisobiga o‘tkazilishi mumkin. Qayd etilishicha, ilgari hukumat faqat shu turdagi soliqni qaytarishni nazarda tutgan.
Bunda boshqa soliq turlari bo‘yicha kelgusi majburiyatlar hisobiga mablag‘larni hisobga olish soliq organlari tomonidan soliq to‘lovchining yozma yoki elektron arizasiga ko‘ra uch ish kuni ichida amalga oshiriladi, ilgari bunga 15 kun ajratilgandi.
Avvalroq O‘zbekistonda fuqarolarning ayrim toifalari uchun bir qator yangi imtiyozlar tasdiqlangani haqida xabar berilgandi. Shuningdek, bir qator ijtimoiy ahamiyatga ega tashkilotlar va ayrim korxonalar soliqlardan ozod qilingan.
Izohlar