O‘zbekiston JST auditorlik qo‘mitasi a’zosi etib saylandi
Bojxona qo‘mitasi raisi Akmalxo‘ja Mavlonov qabul qilingan qaror uchun minnatdorlik bildirdi.
O‘zbekiston tarixda ilk bor Jahon bojxona tashkilotining audit qo‘mitasiga a’zo etib saylandi, deb xabar berdi TQ matbuot kotibi Husan Tangriyev.
Tashkilotning yillik sessiyasida uning kengashi raisi va rais o‘rinbosari, siyosiy qo‘mita a’zolari, moliya va audit qo‘mitalari raislari, o‘rinbosarlari va a’zolari ham saylandi. JSTning moliyaviy va ichki faoliyatini nazorat qilish bilan shug‘ullanuvchi tashkilot tarkibiga dunyoning 12 mamlakati vakillari saylanadi.
Bojxona qo‘mitasi raisi Akmalxo‘ja Mavlonov O‘zbekiston Auditorlik qo‘mitasiga qabul qilingani uchun minnatdorchilik bildirdi. U O‘zbekiston tashkilot doirasida moliyaviy shaffoflik, samarali boshqaruv va hisobdorlikni ta’minlashga yanada ko‘proq hissa qo‘shishiga ishonch bildirdi.
Sessiyada delegatlar tashkilotning 2025−2026 yillarga mo‘ljallangan ish rejasi va tashkilot moliya qo‘mitasi masalalarini ham ko‘rib chiqdi. Xususan, byudjet ijrosi, auditorlik hisobotlari va kelgusi xarajatlar muhokama qilindi.
Avvalroq O‘zbekiston Buyuk Britaniya bilan JSTga a’zo bo‘lish bo‘yicha muzokaralarni yakunlagani haqida xabar berilgandi. Mamlakat respublika bozorga kirish bo‘yicha muzokaralarni yakunlagan davlatlar ro‘yxatida 24-o‘rinni egalladi.
Izohlar