Yangi reyting Toshkent tumanlari ishidagi tafovutni ko‘rsatdi

Xalq nazorati platformasi ma’lumotlariga ko‘ra, Toshkent shahrida yil boshidan buyon, ya’ni 2025-yil 13-sentyabr holatiga 47 486 ta fuqaro murojaati qayd etilgan.

Murojaatlar statistikasi

• 31 899 ta masala hal qilindi;
• 1 638 ta xabar ko‘rib chiqish bosqichida;
• 4 224 ta murojaat — muddati o‘tgan;
• 54 ta murojaat moderatorlar tomonidan rad etilgan.

Asosiy shikoyat mavzulari

Arizalarning aksariyati quyidagilarga tegishli:

• uy-joy-kommunal xo‘jaligi va obodonlashtirish;
• arxitektura, qurilish va muhandislik kommunikatsiyalarini rivojlantirish.

Tumanlar reytingi

Yakuniy reyting hal qilingan va muddati o‘tgan masalalar soni, aholi jon boshiga murojaatlar soni va boshqa parametrlarni hisobga olgan holda 10 ballik shkala bo‘yicha hisoblanadi.

• eng yaxshi ko‘rsatkich Uchtepa tumanida — 8,42 ball;
• keyingi o‘rinlarni Olmazor — 6,62, Mirobod — 6,38, Chilonzor — 6,15;
• O‘rtachadan past: Yashnobod — 5,22, Mirzo Ulug‘bek — 5,04, Bektemir — 4,55, Yangihayot — 4,44, Shayxontohur — 4,14, Yakkasaroy — 3,9, Yunusobod — 3,71;
• Eng past natija Sergeli tumaniga tegishli bo‘lib, atigi 3,2 ballni tashkil etdi.

Xalq nazorati tizimi aksariyat muammolarni tezkor hal etishga yordam bersa-da, muddati o‘tgan murojaatlar soni va tumanlar o‘rtasidagi samaradorlik tafovuti shahar xizmatlarining notekis ishlayotganini ko‘rsatmoqda. Ayniqsa, Sergeli va shikoyatlar ko‘p to‘plangan tumanlar muammoli bo‘lib qolmoqda, bu esa hokimlikdan kuchaytirilgan nazoratni talab qiladi.