Uzbekistan Airways bir nechta reyslarni zaxira aeroportlariga ko‘chirdi
Ushbu chora Rossiyaning ba’zi shaharlari havo hududining yopilishi bilan bog‘liq.
Rossiyaning Qozon, Nijniy Novgorod, Samara shaharlari havo hududining yopilishi munosabati bilan Uzbekistan Airways bir nechta reyslarni muqobil aeroportlarga yo‘naltirdi. Bu haqda kompaniya matbuot xizmati xabar berdi.
Kechiktirilgan parvozlar:
- HY649, Toshkent-Qozon yo‘nalishi, Samara shahridagi muqobil aerodromda;
- HY9671, Toshkent-Nijniy Novgorod yo‘nalishi Moskva shahridagi (Domodedovo) zaxira aeroportida joylashgan.
Shu munosabat bilan yuqorida ko‘rsatilgan yo‘nalishlarning ortga qaytish reyslari kechikib bajarilishiga to‘g‘ri keladi. Kompaniya keltirilgan noqulayliklar uchun uzr so‘radi.
Avvalroq kompaniya Toshkentdan Moskvaga reyslarning bir qismini kechiktirgan edi.
Eslatib o‘tamiz, o‘zbekistonliklarga samolyotda o‘zini yomon his qilmaslik yo‘llari tushuntirilgandi. 2025-yil boshidan beri bortda beshta o‘lim holati qayd etilgan va ularning barchasi belgilangan manzilga yetib borgunga qadar sodir bo‘lgan.
Izohlar