Toshkentning ikki tumani qisman gazsiz qoladi — manzillar

26-avgust kuni Toshkentning Shayxontohur va Yunusobod tumanlarining ba’zi joylarida gaz o‘chiriladi, deb xabar bermoqda Hududgaz Poytaxt axborot xizmati.

Gaz ta’minotining uzilishi rejali ta’mirlash ishlari bilan bog‘liq. Quyidagi mahallalarda soat 10:00 dan 18:00 gacha gaz ta’minoti to‘xtatiladi:

• Shayxontohur tumani bo‘yicha: (soat 10:00 dan 18:00 gacha): “Labzak” mahallasi, uy-joy soni: 1200 ta yakka tartibdagi uylar, 77 ta ko‘p qavatli binolar, yirik iste’molchilar soni: 39 ta;
• Yunusobod tumani: (soat 10:00 dan 18:00 gacha): turar joylar soni: 1 ta ko‘p qavatli uy, ulgurji iste’molchilar soni: 2 ta

Keltirilgan noqulayliklar uchun iste’molchilardan uzr so‘raldi.

Avvalroq yil boshidan buyon iste’molchilarga kommunal xizmatlar uchun asossiz hisoblangan qariyb 20 milliard so‘m mablag‘ qaytarilgani haqida xabar berilgandi. Mablag‘lar 48 mingdan ortiq jismoniy va 100 dan ortiq yuridik iste’molchilarga qaytarildi.