Toshkentda “Toza hudud” va “Toza poytaxt” loyihalari doirasida huquq-tartibot idoralari xodimlari tomonidan belgilanmagan joylarga chiqindilarni olib chiqish va tashlash qoidalarini buzganlik uchun 2 mlrd so‘m miqdorida jarimalar qo‘llanildi, deb xabar bermoqda poytaxt hokimligi matbuot xizmati.
Ma’lumotlarga ko‘ra, shu vaqt ichida 812 ta maxsus texnika 585 ta mahalladan 14 ming tonnadan ortiq maishiy va qattiq chiqindilarni olib chiqib, poligonlarga yetkazgan. Bundan tashqari, mutaxassislar tomonidan 8 573 ta ko‘p qavatli uylarning hududlari tozalandi, sanitar ishlov berildi, shuningdek, 2 890 ta daraxt parvarishlandi.
Shuningdek, 12 ta uchastkada 10 km suv havzalari aholi va korxonalar chiqindilaridan tozalandi. Natijada mutaxassislar 315 tonna chiqindini olib chiqib ketishdi. Bundan tashqari, 594 ta obyektning sanitariya holati tekshirildi va 365 ta qoidabuzarlik bartaraf etildi. Shahar ma’muriyati poytaxt tozaligini saqlash muhimligini eslatib, huquqbuzarlarga nisbatan qat’iy choralar qo‘llanilishi haqida ogohlantirdi.
Avvalroq O‘zbekistonda mingdan ortiq fuqaro chiqindi tashish yomonligidan shikoyat qilgani haqida xabar berilgandi. Mas’ul tashkilotlar chiqindilarni yig‘ishtirish jadvalini buzib, fuqarolardan to‘lov talab qilgan.
