O‘zbekistonda foydalanuvchilarga o‘z shajara daraxtini yaratish va qarindoshlari haqidagi ma’lumotlarni qidirish imkonini beruvchi axborot tizimi paydo bo‘ladi, deyiladi prezident yig‘ilishida.
“Shajara” axborot tizimi foydalanuvchilarga genetik ma’lumotlar asosida tug‘ilish, nikoh va o‘lim, uzoq qarindoshlar haqidagi ma’lumotlarni qidirish imkonini berishi rejalashtirilgan. Bundan tashqari, rasmiylar arxiv ishini modernizatsiya qilish masalalarini muhokama qildilar. Xususan, bugungi kunda arxivlarda 16 million saqlov birligi, jumladan, 1,3 million alohida qimmatli va noyob hujjatlar saqlanayotgani ta’kidlandi.
Shuningdek, Buxoro amiri qo‘shbegi devonxonasi va Xiva xonligi devonxonasi arxivlari YUNESKOning “Jahon xotirasi” ro‘yxatiga kiritilgan. Shu bilan birga, hujjatlarni raqamlashtirish sur’ati yiliga atigi 2 foizni tashkil etadi, shuning uchun 2030-yilga borib arxiv fondini raqamlashtirish darajasini 60 foizga yetkazish, alohida qimmatli va noyob hujjatlarni to‘liq raqamlashtirish zarur.
Bundan tashqari, milliy geografik ko‘rsatkichlar tizimini mustahkamlash muhimligi qayd etildi. Yetmishga yaqin geografik ko‘rsatkichlarni ro‘yxatdan o‘tkazish, Lissabon tizimiga qo‘shilish orqali milliy brendlar qiymati va eksport salohiyatini oshirish muhimligi ta’kidlandi.
Buning uchun tarmoq axborot tizimlarini Arxivlarning yagona milliy axborot tizimiga integratsiya qilish, hujjatlarni radiochastotali identifikatsiyalash (RFID) texnologiyasidan foydalangan holda hisobga olish va onlayn kuzatib borish tizimini joriy etish, hujjatlarni tasniflash va tanib olish jarayonlarida sun’iy intellekt texnologiyalaridan foydalanish rejalashtirilgan. Tuman (shahar) arxivlarining funksiyalari hududiy arxiv ishi boshqarmalariga o‘tkaziladi.
Avvalroq O‘zbekistonda eng yaxshi intellektual mulk tanlovi e’lon qilinishi haqida xabar berilgandi. Shuningdek, rasmiylar har yili bir marta topshiriladigan intellektual mulkni rivojlantirishga qo‘shgan hissasi uchun ko‘krak nishonini topshirishni rejalashtirmoqda.
