Turkiyadan odam savdosida gumonlangan ayol O‘zbekistonga qaytarildi
Huquqbuzar UJG a’zosi bo‘lib, fohishalik bilan shug‘ullanish uchun xorijda yuqori maoshli ish topish bahonasida vatandoshlarni jalb qilgan.
Turkiyadan odam savdosida ayblangan 51 yoshli “Sonya” laqabli ayol O‘zbekistonga deportatsiya qilindi, deb xabar bermoqda mamlakatning Istanbuldagi Bosh konsulxonasi matbuot xizmati.
Operatsiya Turkiya va O‘zbekiston IIV xodimlari hamkorligida o‘tkazildi. Mutaxassislar O‘zbekistonda odam savdosida ayblanib qidiruvda bo‘lgan 51 yoshli ayolni mamlakatdan chiqarib yubordi.
Qayd etilishicha, gumonlanuvchi 2013-2015 yillarda Bangkokda jamoat uyini tashkil qilgan jinoiy guruh a’zosi bo‘lgan. Ayol u yerga yuqori maoshli ish va’da qilib, vatandoshlarni jalb qilgan, so‘ngra ularni fohishalik bilan shug‘ullanish uchun Qozog‘iston orqali Tailandga olib ketgan.
Avvalroq Turkiyadan qidiruvdagi firibgarlar O‘zbekistonga qaytarilgani haqida xabar berilgandi. Qo‘lga olinganlar qo‘lidan jabr ko‘rgan fuqarolardan huquq-tartibot idoralariga murojaat qilish so‘ralgan.
Izohlar