Toshkentda turar joy binosida yong‘in sodir bo‘ldi
Hodisa oqibatida tan jarohati olganlar yo‘q.
7-avgust kuni Toshkentda ko‘p qavatli uyning bir xonadonida yong‘in sodir bo‘ldi, hodisa oqibatida hech kim jabrlanmadi, deb xabar bermoqda FVV matbuot xizmati.
Ma’lumotlarga ko‘ra, hodisa Yashnobod tumani Qo‘yliq massividagi ko‘p qavatli uylardan birida sodir bo‘lgan. Olov 7-qavatda joylashgan xonadonni qamrab olgan. Yong‘in-qutqaruv bo‘linmalari voqea joyiga soat 16:17 da yetib borgan va yong‘in 16:37 da o‘chirilgan.
Qayd etilishicha, qutqaruvchilarning tezkor harakatlari natijasida hech kim jabrlanmagan. Hozirda mutaxassislar zarar miqdorini va yong‘inning kelib chiqish sabablarini aniqlamoqda.
Avvalroq Surxondaryoda savdo markazi yonib ketgani haqida xabar berilgandi. Qutqaruvchilar yong‘inni deyarli besh soat davomida o‘chirishgan.
Izohlar