Toshkentda erkak mashina o‘g‘irlab, pulini aliment va ayollarga sarfladi
Huquq-tartibot idoralari gumonlanuvchining shaxsini aniqlab, unga nisbatan jinoyat ishi qo‘zg‘atdi.
Toshkentda huquq-tartibot idoralari xodimlari avtomobilni buzib, undan katta miqdordagi pulni o‘g‘irlab, aliment va shaxsiy ehtiyojlari uchun sarflagan erkakni qo‘lga oldi, deb xabar bermoqda IIV matbuot xizmati.
Ma’lumotlarga ko‘ra, voqea Shayxontohur tumanida sodir bo‘lgan. Erkak Nexia 3 rusumli avtomashinani buzib kirib, undan 128 mln so‘mga yaqin pulni o‘g‘irlagan. O‘g‘irlangan pullarni u aliment, shuningdek, shaxsiy ehtiyojlar, jumladan, jinsiy xizmatlar uchun sarflagan.
Voqea joyiga yetib kelgan huquq-tartibot idoralari xodimlari surishtiruv o‘tkazib, huquqbuzarning shaxsini aniqlashga va uni qo‘lga olishga muvaffaq bo‘lishdi. Erkak qilgan ishini tan oldi. Shu bilan birga, huquq-tartibot idoralari xodimlari erkak ilgari ham o‘g‘irlik va giyohvand moddalarni sotish maqsadisiz noqonuniy saqlash va muomalasi uchun jinoiy javobgarlikka tortilganini aniqladi.
Huquq-tartibot idoralari erkakka nisbatan Jinoyat kodeksining 169-moddasi (O‘g‘rilik) bo‘yicha yangi jinoyat ishi qo‘zg‘atdi.
Avvalroq Toshkentda bir necha kishi bankdan 90 ming dollar o‘g‘irlab ketgani haqida xabar berilgandi. Jinoyatchilar talonchilik sxemasini chet elliklardan o‘rganishgan.
Izohlar