O‘zbekistonda abituriyentlarning deyarli yarmi minimal kirish ballini to‘play olmadi
Eng yomon natijani Andijon viloyatidagi talabalar ko‘rsatdi.
Abituriyentlarning deyarli yarmi oliy ta’lim muassasalariga kirish imtihonlarida maksimal 189 ball bilan 56,7 balldan yuqori ball to‘play olmagan.
2025-yilda 614 768 nafar abituriyent test sinovidan o‘tgan. Shundan 253 844 nafari (41,29%) 56,7 ball to‘play olmagan. Ko‘rsatkich maksimal 189 ballning 30 foizini tashkil etadi. Eng yomon natijani Andijon viloyatidagi abituriyentlar ko‘rsatdi — 47,6 foiz.
Buxoro viloyati va Toshkent shahrida natijalar nisbatan yaxshiroq — 31,4 foizdan. 2023-yilda sakkizta, 2024-yilda esa to‘rtta hududda abituriyentlarning yarmidan ko‘pi minimal chegaradan o‘ta olmagan. 2025-yilda bunday salbiy ko‘rsatkichlar hali yo‘q.
Natijalarda eng katta yaxshilanish:
- Qoraqalpog‘iston — plyus 9%;
- Navoiy viloyati — plyus 8,9%;
- Sirdaryo viloyati — plyus 8,1%;
- Buxoro viloyati — plyus 7,8%;
- Qashqadaryo viloyati — plyus 6%.
Shu bilan birga, avvalroq O‘zbekistonda yetarli ball to‘play olmagan abituriyentlarning OTMga kirish imkoniyatini oshirish rejalashtirilayotgani haqida xabar berilgandi. Davlat rahbari abituriyentlar imtihon topshirganidan keyin murojaat qilishi mumkin bo‘lgan oliygohlar sonini ko‘paytirishni taklif qildi.
Izohlar