Yaponiyada “buvilarni ijaraga olish” tizimi ishga tushirildi

Yaponiyada ovqat pishirish, tozalash, bolalarga qarash yoki ota-onalar bilan muhim suhbatdan oldin tayyorgarlik ko‘rishda yordam beradigan buvilarni ijaraga olish xizmati ishga tushirildi.

Ma’lumotlarga ko‘ra, “Okey, buvi” xizmati yordamida yaponiyaliklar soatiga 22 dollar atrofida pul evaziga keksa ayolni ijaraga olishlari mumkin, u ovqat pishirish, tozalashda yordam beradi, bolaga qaray oladi, shuningdek, munosabatlar bo‘yicha bir nechta maslahatlar beradi.

Shuningdek, ba’zida mijozlar buvilarni og‘ir vaziyatga tushib qolgan odamga ma’naviy yordam sifatida, masalan, ajralishdan keyin yoki ota-onasi bilan jiddiy suhbatdan oldin taklif qilishadi. Hozirda xizmatda turli ko‘nikmalarga ega 60 yoshdan 94 yoshgacha bo‘lgan 100 dan ortiq keksa yapon ayollari mavjud.

Xizmat foydalanuvchilardan noaniq sharhlar oldi. Ba’zilar keksalarga qiziqarli va yengil ish topishga yordam berish g‘oyasini qo‘llab-quvvatladilar, boshqalari notanish odamlarnikiga boradigan buvilarning xavfsizligidan xavotirda ekanini bildirdi. Biroq bunday tajriba Yaponiya uchun birinchisi emas.

Mamlakatda allaqachon “Ossan Rental” xizmati mavjud bo‘lib, u orqali amakilarni, shu jumladan pensiya yoshidagilarni turli maqsadlarda “ijaraga olish” mumkin. Shu bilan birga, u juda mashhur. Qayd etilishicha, “Ok, buvi” xizmatini ayollarni ish bilan ta’minlashga ixtisoslashgan Client Partners kompaniyasi boshqaradi va o‘zini “barcha sohalarda ayollarni qo‘llab-quvvatlovchi xizmat” deb ataydi. Ushbu loyihadan tashqari, kompaniya “do‘stlarni ijaraga olish” yoki “vaqtinchalik oila a’zosi” kabi xizmatlarni ham taklif etadi. Shu bilan birga, ushbu xizmatlarning barchasi ayollarga ko‘rsatiladi.