Bogdan Guskov UFC`ning yarim og‘ir vazn toifasidagi top-10 jangchisi qatoriga kirdi
Abu-Dabida rossiyalik Nikita Krilov ustidan qozonilgan g‘alabadan so‘ng sportchining mavqei ko‘tarildi.
UFC reytingida O‘zbekiston va Rossiya sharafini himoya qilayotgan Bogdan Guskov yarim og‘ir vazn toifasida kuchli o‘nlikdan joy oldi.
Jangchi Abu-Dabida bo‘lib o‘tgan UFC on ABC 9 turnirida rossiyalik Nikita Krilovni mag‘lub etib, uch pog‘ona yuqorilashga muvaffaq bo‘ldi. Sportchi raqibini birinchi raundda texnik nokaut bilan mag‘lub eta oldi.
Ayni paytda Bogdan Guskov hisobida 18 ta g‘alaba va uchta mag‘lubiyat bor.
Avvalroq Bogdan Guskov UFC 311 musobaqasida raqibini mag‘lub etgani haqida xabar berilgandi. O‘zbekistonlik jangchi Billi Elekanni ikkinchi raundda bo‘g‘ib qo‘ygan.
Izohlar