Toshkent metropolitenining o‘nlab bekatlarida yo‘l haqini to‘lashning innovatsion tizimi ishga tushirildi, deb xabar bermoqda poytaxt metropoliteni matbuot xizmati.
Ma’lumotlarga ko‘ra, hozirda u 29 ta metro bekatida o‘rnatilgan. Shu bilan birga, har kuni tizimdan 200-250 mingga yaqin yo‘lovchi foydalanadi.
Qayd etilishicha, kaft rasmi bo‘yicha biometrik identifikatsiyani ro‘yxatdan o‘tkazish jarayoni atigi 5 daqiqa atrofida davom etadi. Mutaxassislarning fikricha, bunday texnologiyani joriy etish navbatlarni sezilarli darajada qisqartirish va yo‘lovchilarning vaqtini tejash imkonini beradi.
Avvalroq Toshkent metropolitenining to‘rtta bekatida ikkinchi vestibyullar ochilishi haqida xabar berilgandi. Ochilish sababi yo‘lovchilar oqimining ko‘payishi bo‘ldi.
