O‘zgidromet Toshkent shahri va O‘zbekiston hududlari havosidagi allergenlar miqdori bo‘yicha dolzarb ma’lumotlarni e’lon qildi.
Baholash Innovatsion rivojlanish agentligi huzuridagi Xalqaro molekulyar allergologiya markazi tomonidan amalga oshiriladi. 8-14 dekabr kunlari Toshkentda mog‘or zamburug‘larining “favqulodda katta” miqdordagi sporalari aniqlandi.
Vaziyat uzoq davom etadigan yog‘ingarchilik, quyosh nurlarini to‘sadigan bulutlilik, yuqori namlik, tuman va inversiya bilan bog‘liq. Vaziyat aholi uchun jiddiy xavf tug‘dirmaydi, ammo sporalar konsentratsiyasining ko‘payishi allergik va astmatiklarning sog‘lig‘iga salbiy ta’sir ko‘rsatishi mumkin.
Gap aynan allergik yuklama haqida ketmoqda, bu “xavfli zamburug‘lar” infeksiyasi epidemiyasi emas.
Qashqadaryo viloyatida zamburug‘ sporalarining favqulodda konsentratsiyasi, Samarqand va Surxondaryo viloyatlarida sporalar “o‘rtacha” miqdorda qayd etilgan.
Daraxt va butalardan allergenlar aniqlanmadi, o‘tsimon o‘simliklardan esa sezilarsiz darajada. Sovuq tushganda va shamol kuchayganda sporalar konsentratsiyasi kamayadi.
