2025-yilning iyul-sentyabr oylarida O‘zbekistonda ishsizlik darajasi biroz pasayib, 4,9 foizni tashkil etdi, deb xabar bermoqda Kambag‘allikni qisqartirish va bandlik vazirligi matbuot xizmati.
Ma’lumotlarga ko‘ra, 2024-yilning mos davri bilan solishtirilganda 0,8% ga kamaygan. Shu bilan birga, mamlakatning mehnatga layoqatli aholisi soni 20,3 million kishini, iqtisodiy faollari esa 15,5 million kishini tashkil etdi. Qayd etilishicha, 8,5 mln kishi rasmiy ish bilan ta’minlangan, yana 4,3 mln kishi norasmiy sektorda, 1,8 mln kishi xorijda ishlaydi, 760 ming fuqaro ish qidirmoqda. Shuningdek, 2025-yil boshidan buyon 4 milliondan ortiq kishi daromadli ish bilan ta’minlandi.
Eslatib o‘tamiz, O‘zbekistonda ishsizlik nafaqasi to‘lanadigan shaxslar ro‘yxati va shartlari tasdiqlandi, unga ko‘ra 1 noyabrdan boshlab pul to‘lovlarini faqat mehnat shartnomasi rasman bekor qilingan fuqarolar oladi. Bunda ular oxirgi 5 yilda kamida 18 oy ishlagan bo‘lishi va mehnat shartnomasi bekor qilingandan keyin olti oy ichida — oxirgi 18 oydagi o‘rtacha oylik ish haqidan kelib chiqqan holda 3 oy ichida nafaqa so‘rab murojaat qilishi kerak.
Avvalroq Toshkentning Chilonzor tumanida yil yakuniga qadar kambag‘allik butunlay bartaraf etilishi haqida xabar berilgandi. Hukumat ishsizlik masalasini ham hal qilmoqchi.
