Armaniston SHHTga a’zo bo‘lish uchun ariza berdi
Mamlakat bosh vaziri mamlakat muvozanatli siyosatni davom ettirayotganini ta’kidladi.
Armaniston Shanxay hamkorlik tashkilotiga a’zo bo‘lish uchun ariza bilan murojaat qildi, deb yozadi “Interfaks” mamlakat bosh vaziri Nikol Pashinyanga tayanib.
Ma’lumotlarga ko‘ra, hozirda mamlakat SHHTda kuzatuvchi maqomiga ega, biroq Armaniston vakili tashkilotda mazmunli va tarkibiy o‘zgarishlar muhokama qilinayotganini aytdi. Bunday o‘zgarishlardan biri kuzatuvchi maqomining o‘zgarishi bo‘lishi mumkin.
“Biz SHHTga a’zo bo‘lish uchun ariza topshirdik. Bu bizning muvozanatli tashqi siyosatimiz mantig‘iga to‘g‘ri keladi”, — dedi mamlakat bosh vaziri.
Shu bilan birga, Nikol Pashinyan ta’kidlaganidek, mamlakat muvozanatli tashqi siyosatni davom ettirmoqda.
Izohlar