Anorbank Parijda aksiyador Qahramon Olimovning o‘g‘irlanishiga izoh berdi
Kompaniya sodir bo‘lgan voqea bankning operatsion faoliyatiga taalluqli emasligini ma’lum qildi.
Anorbank Parijda aksiyador Qahramon Olimov o‘g‘irlab ketilgani haqidagi ma’lumotga izoh berdi.
Hodisa xususiy, korporativ bo‘lmagan xarakterga ega bo‘lib, bankning operatsion faoliyatiga taalluqli emas. Anorbank odatdagi tartibda ishlamoqda — barcha bo‘limlar, xizmatlar va raqamli kanallar barqaror ishlamoqda, joriy va strategik loyihalar tasdiqlangan rejalarga muvofiq amalga oshirilmoqda.
Anorbank OAV vakillaridan ushbu mavzuni yoritishda axloqiy me’yorlarga rioya qilishni, tekshirilmagan ma’lumotlarni e’lon qilmaslikni va shaxsiy hayot chegaralarini hurmat qilishni so‘radi. Bank, shuningdek, ortiqcha muhokamalar yoki tekshirilmagan ma’lumotlarni tarqatish rasmiy tergov jarayoniga ham, jabrlanuvchining shaxsiy chegaralarini hurmat qilishga ham ta’sir ko‘rsatishi mumkinligiga e’tibor qaratadi.
Eslatib o‘tamiz, Anorbank egasi Fransiyada pul undirish uchun kaltaklangan va o‘g‘irlab ketilgandi. Pulni qo‘lga kiritgach, o‘g‘rilar tadbirkorni qo‘yib yuborishgan.
Izohlar