Angrenda mudhish YTH qurbonlari soni oshdi

Angrendagi dahshatli YTH qurbonlari soni 7 nafardan 11 nafarga yetdi, deya xabar bermoqda Farg‘ona viloyati hokimi Xayrullo Bozorovning hozircha yashirilgan farmoyishiga tayanib, “Daryo” muxbiri.

9-sentyabr kuni imzolangan hujjatda qayd etilishicha, yo‘l-transport hodisasi oqibatida 6 kishi turli darajada tan jarohati olib, shifoxonaga yotqizilgan. Farmoyishda viloyat hokimi o‘rinbosarlari va tegishli tashkilotlar YTHda halok bo‘lganlarning shaxsini aniqlashi kerakligi ko‘rsatilgan.

Bundan tashqari, ularga o‘z oilalari va jabrlanganlarga tibbiy, moddiy, psixologik va boshqa yordam ko‘rsatish majburiyati yuklatildi. Shuningdek, halok bo‘lganlarni dafn etish tadbirlari bilan bog‘liq kompleks chora-tadbirlar ko‘zda tutilgan. Qayd etilishicha, qurbonlar soni 7 kishidan 11 kishiga yetgan.

YTH sabablari o‘rganilib, kelgusida bunday hodisalarning oldini olish maqsadida yo‘l-transport infratuzilmasini xatlovdan o‘tkazish, ilg‘or xorijiy tajribani o‘rganish va uni takomillashtirish, yuk tashish qoidalarini qayta ko‘rib chiqish bo‘yicha asoslantirilgan takliflar tayyorlash topshirildi, — deyiladi hujjatda.

Eslatib o‘tamiz, dahshatli avariya 7-sentyabr kuni Toshkent viloyatining Angren shahrida sodir bo‘lgandi. 1981-yilda tug‘ilgan, 15 yillik tajribaga ega Shacman markali sement tashuvchi haydovchi boshqaruvni yo‘qotdi. U temir yo‘l kesishmasida ikkita yuk mashinasi va beshta yengil avtomobil bilan to‘qnashib ketdi.

O‘shanda hodisa oqibatida 7 kishi voqea joyida halok bo‘lgani, 5 kishi turli tan jarohatlari bilan shifoxonaga yotqizilgani xabar qilingandi. Shuningdek, 4 nafar fuqaroga tibbiy yordam ko‘rsatilib, uyiga javob berilgan. Mazkur holat yuzasidan Jinoyat kodeksining 266-moddasi 3-qismi (Transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan. Aybdorlar 10 yilgacha ozodlikdan mahrum etilishi mumkin. Tergov boshlandi.