Andijonda mast xaridor do‘kon egasi bilan mushtlashdi
Mojaro ishtirokchilaridan biri jarohat oldi, tergov boshlandi.
Andijon viloyatida mast xaridor do‘kon egasi bilan janjallashdi, deb xabar bermoqda viloyat IIB matbuot xizmati.
Voqea 27-iyul kuni Marhamat tumani “O‘zbekiston” mahallasidagi savdo do‘konida sodir bo‘lgan. Mast tashrif buyuruvchi va sotuvchi o‘rtasida dahanaki jang bo‘lib, keyinchalik janjalga aylangan. Sud-tibbiy ekspertizasi ishtirokchilardan biri sog‘lig‘iga zarar yetkazmagan holda yengil tan jarohati olgani, ikkinchisida hech qanday jarohat yo‘qligini ko‘rsatdi.
“Ish qo‘zg‘atish to‘g‘risidagi qaror tergovga qadar tekshiruv natijalariga ko‘ra qabul qilinadi”, — deyiladi xabarda.
Eslatib o‘tamiz, Toshkentda bo‘lib o‘tgan Mangal Fest festivalidagi mushtlashuv ishtirokchilariga besh sutkadan qamoq jazosi tayinlangandi. Ayblanuvchilardan birining aytishicha, janjal kichik tushunmovchilik tufayli kelib chiqqan va ularning bir-biriga da’vosi yo‘q.
Izohlar