Qozog‘istonda qutqaruvchilar yo‘lda sinib qolgan avtobusdan 36 nafar o‘zbekistonlikni evakuatsiya qildi va jabrlanganlarni xavfsiz joyga olib ketdi, deb xabar bermoqda Kazinform agentligi FVVga tayanib.
Ma’lumotlarga ko‘ra, voqea Pavlodar viloyati May tumani Qoraterek qishlog‘idan 20 km uzoqlikda sodir bo‘lgan. Yomg‘ir va past harorat sharoitida 36 nafar fuqaro tranzit bilan Semey shahridan Chimkentga ketayotgan transport buzilib, odamlar qutqaruvchilar yordamiga muhtoj bo‘lgan.
Mutaxassislar jabrlanganlarga shoshilinch yordam ko‘rsatib, ularni eng yaqin isitish punktiga zudlik bilan yetkazish va issiq ovqat bilan ta’minlashga muvaffaq bo‘lishdi. Qayd etilishicha, qutqarilganlar orasida 13 nafar bola ham bo‘lgan. Qutqaruvchilar singan transport vositasini ham aholi punktiga olib borishdi. Jabrlanganlarning hech biriga tibbiy yordam kerak bo‘lmagan.
Avvalroq Qozog‘istonda nikohga majburlash jinoiy javobgarlikka tortilishi haqida xabar berilgan edi. Avval jabrlanuvchini o‘z ixtiyori bilan ozod qilgan o‘g‘ri javobgarlikdan qutilib qolishi mumkin edi.
