O‘zbekiston terma jamoasi FIFA reytingidagi o‘rnini mustahkamladi
Jamoa mundialga chiqqach, birdaniga ikki pog‘onani yuqoriladi.
Xalqaro futbol federatsiyasi (FIFA) reytingida O‘zbekiston terma jamoasi 55-o‘ringa ko‘tarildi.
Milliy terma jamoa 1449,12 ball to‘plashga muvaffaq bo‘ldi va jahon reytingida ikki pog‘onaga ko‘tarildi. Bundan tashqari, mamlakat terma jamoasi Osiyo futbol konfederatsiyasida ham o‘z o‘rnini mustahkamlab, Iroq va BAA jamoalarini ortda qoldirib, 7-o‘rinni egalladi.
Osiyo reytingida eng yaxshi natijalarni Yaponiya, Eron, Janubiy Koreya, Avstraliya va Saudiya Arabistoni jamoalari ko‘rsatdi, ular mos ravishda 12, 20, 23 va 24-o‘rinlarni egalladi. Reyting yetakchilari Argentina, Ispaniya va Fransiya jamoalari bo‘ldi.
Avvalroq o‘zbek futbol klubini “Manchester Siti” xo‘jayinlari sotib olishi mumkinligi haqida xabarlar tarqalgandi. Abduqodir Husanov sotib olingach, dunyoda o‘zbek futboliga bo‘lgan qiziqish sezilarli darajada oshgan.
Izohlar