Қозоғистонда ишлаётган ўзбекистонлик муҳожирлар шароитлари ўрганилмоқда
Бош консулхона мигрантларга республика қонун-қоидаларига риоя этишни, ёт ғоялар таъсирига тушиб қолмасликни таъкидлади.
Ўзбекистон Бош консулхонаси ходимлари Оқтов шаҳридаги савдо бозорлардан бирида вақтинча ишлаётган ватандошлар билан учрашди.
Дипломатлар дастлаб юртдошларнинг меҳнат шароитлари билан танишдилар. Иш берувчиларга шароитларни янада яхшилаш бўйича тегишли тавсиялар билдирилди.
Ватандошлар билан кечган мулоқот чоғида, юртимиз ҳаётининг барча жабҳаларида амалга оширилаётган кенг кўламли ўзгаришлар, жумладан, давлатимиз томонидан хорижда вақтинча ишлаётган фуқароларнинг ҳуқуқий ҳимоясини янада кучайтириш, ижтимоий ва ахборот-маслаҳат ёрдамини кўрсатиш бўйича кўрилаётган чора-тадбирлар ҳақида маълумот берилди.
Иштирокчиларга бўлиб турган давлат қонун-қоидаларига риоя этиш зарурлиги таъкидланди. Шунингдек, ёт ғоялар таъсирига тушиб қолмаслик ва уларнинг салбий оқибатлари ҳақида айтиб ўтилди. Учрашув якунида ватандошлар ўзларини қизиқтирган саволларига дипломатлардан батафсил жавоб олишди.
Мавзуга оид хабарлар:
Қозоғистонга ишлаш мақсадида бораётган ўзбекистонликлар огоҳликка чақирилди Қозоғистонда сув тошқини сабаб 400 дан ортиқ юк машинаси Ўзбекистон орқали ҳаракатланиши мумкин Ўзбекистонликларга Қозоғистонда рўйхатдан ўтмасдан бўлиш муддати узайтирилади Қозоғистоннинг Ўзбекистон билан чегарасида одамлар ва машиналар тўпланганига изоҳ берилди Ўзбекистонда қотиллик учун қидирувга берилган шахс Қозоғистонда ушланди