O‘zbekistonliklar turistik maqsadda qaysi davlatlarga ko‘proq borayotgani aytildi

O‘zbekistonliklar 2024 yilning yanvar-iyul oylarida turistik maqsadda qaysi davlatlarga ko‘proq borgani maʼlum qilindi.

2024 yilning yanvar-iyul oylarida jami 3,4 million nafar o‘zbekistonlik turistik maqsadlarda chet elga safar qilgan. Bu ko‘rsatkich o‘tgan yilning mos davri bilan solishtirilganda 890,5 ming nafarga yoki 35,7 foizga oshgan.

2024 yilning yanvar-iyul oylarida turistik maqsadlarda chet elga ketgan O‘zbekiston fuqarolarining mamlakatlar bo‘yicha tasnifi quyidagicha:

• Qirg‘iziston – 1,6 mln nafar;
• Tojikiston – 676,4 ming nafar;
• Qozog‘iston – 526,4 ming nafar;
• Rossiya – 159,7 ming nafar;
• Turkiya – 123 ming nafar;
• Saudiya Arabistoni – 106,5 ming nafar;
• BAA – 70,6 ming nafar;
• Misr – 22,2 ming nafar;
• Kuvayt – 16,7 ming nafar;
• Janubiy Koreya – 12,3 ming nafar;
• boshqa davlatlar – 91,5 ming nafar.

NOVA24 Telegramʼda. Obuna boʻling
Tezkor xabarlar va asosiy voqealar