Транспорт воситаси ҳавони ифлослантираётган ҳайдовчилар жаримага тортиляпти

Тадбир давомида жами 200 000 та автотранспорт воситаларини экологик назоратдан ўтказиш белгиланган.

Ўзбекистонда транспорт воситаси ҳавони меъёридан ортиқ ифлослантираётган ҳайдовчилар жаримага тортилмоқда.

ЎзА хабарига кўра, 10 апрелдан ҳозирга қадар республика бўйлаб 58 минг 822 та автомобил экологик назоратдан ўтказилган.

Шундан 518 та транспорт воситаси атмосферага меъёридан ортиқ зарарли моддалар чиқараётгани аниқланган ҳамда жами 303 нафар ҳайдовчига нисбатан МЖтКнинг тегишли моддалари билан жами 50,1 млн сўм жарима қўлланган.

Шунингдек, 222 та транспорт воситасининг ҳаракати вақтинча тўхтатилган. Бу «Тоза ҳаво» ойлигининг биринчи босқичи доирасида ўтказилмоқда. Мазкур босқич 10 майга қадар давом этади. Тадбир давомида жами 200 000 та автотранспорт воситаларини экологик назоратдан ўтказиш белгиланган.

NOVA24 Telegramʼда. Обуна бўлинг
Тезкор хабарлар ва асосий воқеалар