Солиқ қўмитаси ҳузуридаги Йирик солиқ тўловчилар инспекцияси фақат йирик стратегик тармоқларга масъул бўлиши таклиф қилинди
Бундан буён вилоятда қайта ишлашнинг биринчи ва иккинчи занжири бор тўқимачилик корхонаси пахта хомашёсини фермердан бозор нархида сотиб олиш имкониятига эга бўлади ва ўз вақтида якуний ҳисоб-китобни амалга оширади.
Президент раислигида ўтказилаётган тўқимачилик соҳасида экспорт ва инвестиция ҳажмларини ошириш масалалари юзасидан видеоселектор йиғилишида йирик корхоналарнинг маҳаллаларда филиалларини ташкил қилиш амалиётини кенгайтириш зарурлиги қайд этилди.
Чунки корхона бошқа ҳудудда филиал очса, ортиқча вақт ва харажат қилиб, янгидан стандарт жорий қилиши ёки сертификат олиши шарт эмас. Ўз фаолиятини йириклаштирган корхоналар билан ишлашда Солиқ қўмитаси ҳузуридаги Йирик солиқ тўловчилар инспекцияси фаолиятини такомиллаштириш зарурлиги кўрсатиб ўтилди.
Бундан буён Инспекция фақат йирик стратегик тармоқларга масъул бўлиши таклиф қилинди. Тўқимачилик корхоналари учун энг катта масалалардан бири бу — хомашё. Ўзбекистонда 1 миллион 300 минг тонна толани қайта ишлаш қуввати бор. Кейинги 2 йилда янги лойиҳалар ҳисобига ушбу қувватлар 1,5 миллион тоннага етади. Лекин ҳозирда 1 миллион тоннага яқин тола ишлаб чиқарилмоқда.
Бундай шароитда яккаю ягона йўл — пахта етиштириш таннархини камайтириш ва ҳосилдорликни ошириш шартлиги таъкидланди. Бундан буён вилоятда қайта ишлашнинг биринчи ва иккинчи занжири бор тўқимачилик корхонаси пахта хомашёсини фермердан бозор нархида сотиб олиш имкониятига эга бўлади ва ўз вақтида якуний ҳисоб-китобни амалга оширади.
Мавзуга оид хабарлар:
Солиқ органларига тадбиркорлар ҳудудига киришга рухсат берилиши мумкин Ўзбекистонда март ойида қанча кешбэк тасдиқлангани маълум бўлди ХВЖ экспертлари Ўзбекистонда солиқ ислоҳоти бўйича тавсияларини тақдим этди Навоий вилояти солиқ бошқармасига янги раҳбар тайинланди Савдо соҳасидаги корхоналар 2 ойда қанча солиқ тўлагани маълум бўлди