Samarqandda YTHga uchragan Nexia-2 yonib ketdi

Samarqand shahrida yonilg‘isi tugab, to‘xtab qolgan “Volga”ning orqa qismiga kelib urilgan Nexia-2 yonib ketdi.

Samarqand shahrida “Volga”ga urilgan Nexia-2 yonib ketdi. Bu haqda viloyat YHXB axborot xizmati xabar berdi.

Unga ko‘ra, holat 4-sentyabr kuni soat 9:50 lar atrofida Samarqand shahar Bo‘stonsaroy ko‘chasida sodir bo‘lgan. Nexia-2 harakatlanib kelib, yo‘lning o‘ng tomonida yonilg‘isi tugab to‘xtab turgan “Volga”ning orqa qismiga kelib urilgan.

Oqibatda Nexia-2 da yong‘in sodir bo‘lgan. Yong‘in zudlik bilan Samarqand shahar FVB xodimlari tomonidan bartaraf etilgan. Holat oqibatida tan jarohati olgan va vafot etganlar yo‘q.

Hodisa yuzasidan dastlabki surishtiruv ishlari olib borilmoqda.

NOVA24 YouTubeʼda. Obuna boʻling
Asosiy yangiliklar va qiziqarli videolar